Суди ноҳияи Исмоили Сомонии шаҳри Душанбе нисбати сокини шаҳри Душанбе ба иттиҳоми таблиғи афкори равияи фаъолияташ дар Тоҷикистон манъшудаи “Салафия” дар шабакаи иҷтимоии “Одноклассники” ҳукм содир намуд.

Бино ба иттилои дафтари матбуоти Прокуратураи генералии ҶТ, Фарҳод Муҳаммадиеви 23-сола мутобиқи моддаи 307 Кодекси ҷиноятии Тоҷикистон (даъвати оммавӣ ба амалисозии фаъолияти ифротгароӣ) ба 5 соли зиндон маҳкум шуд.

Шурӯъ аз соли 2017 ӯ тариқи алоқаи мобилӣ дар сомонаи “Одноклассники” барои пайвастан ба равияи динии “Салафия” даъватҳо интишор мекард. Дар ин давра ӯ ба нашри беш аз 350 даъвати таблиғи афкори салафияҳо фурсат ёфтааст.

14:45 2 ноябр, 2017

Даъватҳои сокини Суғд тариқи интернет ҷиҳати пайвастан ба сафҳои равияи «Салафия»

Ёдрас мекунем, ки ҷараёни мазҳабии «Салафия», ки фаъолияташро аввали соли 2009 Суди олии ҷумҳурӣ манъ карда буд,  гурӯҳи ифротгаро дар Тоҷикистон эътироф шуд.

Қобили зикр аст, ки ҳукми нахуст нисбати тарафдорони ҷараёни «Салафия» дар Тоҷикистон моҳи октябри соли 2010 аз ҷониби суди ноҳияи Сино содир гардида буд. Бо ин ҳукм 7 нафар, аз ҷумла яке аз ҷонибдорони маъруфи ин ҷараён Сироҷиддин Абдураҳмонов низ маҳкум шуда буданд.

Хабарҳои моро дар Telegram пайгирӣ намоед, ба шабакаи мо бо суроғаи  https://t.me/asiaplus  ҳамроҳ шавед.