Ширкати “МегаФон” ба мизоҷони худ – шахсони воқеӣ ва ҳуқуқӣ – хизматрасонии нави “Навигатор”-ро пешкаш намуд. Ин хизматгузории геолокатсионӣ имкон медиҳад, ки макони қароргирии назикдон ё кормандони корхонаи Шумо аниқ карда шавад. Макони қароргирии муштарии дигар дар харита қайд шуда, истифдабарандаи хизматрасонӣ имкон пайдо мекунад, ки онро дар компютери доимӣ ё экрани смартфони худ бубинад.

Хизматгузории “Навигатор” дар ҳолатҳои мухталиф судманд буда метавонад. Масалан, бо ёрии он метавон муайян кард, ки кӯдаки Шумо дар хона аст ё дар меҳмонӣ – инро метавон аз рӯйи харита ва суроғае, ки дар дастгоҳи истифодабарандаи хизматрасонӣ инъикос мегардад, муайян намуд. “Навигатор” инчунин барои ҷустуҷӯи калонсолҳо, махсусан онҳое, ки кору фаъолият ва истироҳаташон бо рафтуомади зиёд ё будубош дар маконҳое, ки он ҷой кӯмакашон зарур меояд, фоидабахш хоҳад буд. Ҳамин тавр, агар мошини хешу табори ба шикор баромадаи Шумо дар роҳи кӯҳӣ аз кор барояд, Шумо метавонед ӯро дарёфт намоед ва дар баргаштани номбурда ба хона кӯмаки худро расонед. Муайянкунии макони қароргирии муштарии дигар танҳо дар он ҳолате имконпазир аст, ки агар ӯ ба SMS-и дахлдор посухи марбута ирсол карда, розигии худро диҳад.  

Хизматрасонии “Навигатор” тавассути USSD-дархости *250# пайваст карда мешавад. Пас аз рақамчинии ин дархост дар экрани муштарӣ матн бо шартҳои пешниҳоди хизматрасонӣ бо тавсифи амалҳои минбаъдаи лозимӣ инъикос карда мешавад. Пардохти асосии ҳафтаина барои истифодаи “Навигатор” – 35 дирам аст. Бар ивази ин маблағ метавон макони қароргирии ду муштарии дигари “МегаФон”-ро муайян кард. Барои ҳар як рақами иловагӣ берун аз меъёри муқарраршуда пардохт дар ҳаҷми 10 дирам дар як рӯз ситонида мешавад.

“Дар Тоҷикистон офатҳои табиӣ бисёр ба амал меоянд, қисми назарраси ҳудудро кӯҳҳо ишғол кардаанд ва дар ин маконҳо ҳангоми рухдиҳии ягон ҳодиса дарёфткунии инсон танҳо ба воситаи технологияҳои муосири мобилӣ имконпазир аст. Сатҳи фарогирии шабакаи “МегаФон” хеле баланд буда, яке аз беҳтаринҳо дар кишвар ба шумор меравад, бинобар ин, хизматгузории “Навигатор” на танҳо дар шаҳрҳо, балки дур аз ҳудуди шаҳрҳо низ бо сифати аъло амал хоҳад кард. Пардохти начандон зиёди абонентӣ бошад, ба аъзоёни ҳама гуна оилаҳо новобаста аз сатҳи даромаднокиашон имкон медиҳад, ки барои наздикони худ орому осуда бошанд”, - изҳор дошт директори иҷроияи ширкати “МегаФон Тоҷикистон” Денис НИКИТИН.

Истифодабарии хизматрасонии “Навигатор” инчунин барои бизнес-мизоҷони “МегаФон” дастрас аст. Хизматгузорӣ имкон медиҳад, ки макони қароргирии кормандони ташкилот бо аниқӣ муайян карда шавад. Аз сӯйи дигар тавассути ин хизматрсонӣ рафти иҷроиши вазифаҳои хизматӣ аз ҷониби кормандон назорат карда шуда, зарурати зангзанӣ ба онҳо дар ин робита аз байн меравад. Ба феҳристи рақамҳо метавон ҳамаи муштариёни шабакаи корпоративиро дохил кард, дар баробари ин, розигии онҳо барои муайянкунии макони қароргириашон  зарур намеояд. Пардохти базавии абонентӣ мавҷуд нест, барои ҳар як рақами дохилшудаи муштарии ҷусташаванда 15 сомонӣ дар як моҳ гирифта мешавад.